مشاكل الاخوات.
كتب / د. امل ابراهيم قاسم
في البداية لازم نفهم التصرف السليم لما يكونوا الاطفال بيتخانقوا مع بعض لاكن مش هقدر امنع الخلاف هما مش هيبطلوا مشاكل ده وضع طبيعي طول الوقت بيتخانقوا مع بعض
طول الوقت بيضربوا بعض احيانا الام بتفقد السيطره عليهم
واوقات كثير نلاقيهم متصالحين جدا مع بعض وبيلعبوا.
من اسباب الخناق
الغيره .. الولد عاوز يسيطر علي البنت
تدخل الام احيانا بيكون سبب في كثره المشاكل لانها بتنحاز لطرف علي حساب الثاني يبدء الاخ الاكبر يتغاظ من اخوه ويستفزة ويضربه
عدم وجود قوانين للعب داخل البيت.
لازم نشوف الجانب الايجابي للخلاف بين الابناء .. الخلاف بيعلمهم سياسة الاختلاف يعني انا متقبلك برغم اني مختلف معاك أو متخانقين
بيتعلموا طريقة الحوار السليم بيتعلموا المشاركة
قواعد مهمه في التربية لحل الخلافات
اسمعني كويس
وضح موقفك
من غير صوت عالي
من غير اهانة
من غير الام ماتدخل في المشكلة سيبيهم يتصرفوا
الي هيتخانقوا عليه هشيلو منهم
اوعي تنحازي لواحد علي حساب الثاني
اسمعيهم باهتمام
تعاطفي مع الاثنين واسمعيها اقترحي عليهم يتكلموا مع بعض ويرجعولك افصلي كل واحد في غرفه الي ان يهدأوا ثم اجمع الاثنين كل واحد يقول وجهه نظره.
مهم جدآ يوصلهم اني بحبكوا من غير إي تفضيل اوعي تحسي بالفشل وانك مش قادرة تسيطري عليهم
هتقدري حاولي جربي حلول جديدة غيري من أفكارك تتغير حياتك